Mutaxassislarning aytishicha, kundalik hayotdagi ayrim foydali odatlar xotirani mustahkamlash va miya faoliyatini yaxshilashga yordam beradi. Ayniqsa, zamonaviy hayotdagi stress va doimiy axborot oqimi sabab inson miyasi ko‘proq dam va mashqqa muhtoj bo‘lmoqda.
Shifokorlar muntazam uyqu xotira uchun eng muhim omillardan biri ekanini ta’kidlaydi. Yetarli uyqu vaqtida miya kun davomida olingan ma’lumotlarni qayta ishlaydi va mustahkamlaydi. Uyqusizlik esa diqqat va eslab qolish qobiliyatini pasaytirishi mumkin.
Bundan tashqari, kitob o‘qish, yangi tillarni o‘rganish, mantiqiy o‘yinlar va jismoniy faollik ham miya faoliyatiga ijobiy ta’sir qiladi. Mutaxassislar ayniqsa piyoda yurish va sport bilan shug‘ullanish qon aylanishini yaxshilab, miyaga ko‘proq kislorod yetib borishiga yordam berishini aytmoqda.
“Zamin”ni Telegramʻda oʻqing!
