Пойтахт марказида Hyatt халқаро миқёсдаги тармоқга кирувчи меҳмонхонанинг бунёдкорлик ишлари ниҳоясига етиб қолди. Меҳмонхонанинг расмий очилиши 2016 йилнинг 1 июлига белгиланган. My Day сайти эса меҳмонхонанинг илк фотосуратларини тақдим этди.
Меҳмонхона лоббиси, шарқона декоратив элементлар қўлланилган ҳолда необарокко услубида расмийлаштирилган. Ушбу элементларни мебель ва залнинг безатилишида учратиш мумкин.
Меҳмонхона ҳудудида 3та food-зона фаолият юритади. Лоббида Chai lounge, кунутун ишлайдиган интернационал ошхонага эга «Хива» ресторани, очиқ айвончадаги диджей пультига эга Sette итальянча бистро.
Анжуманлар ва тадбирлар учун 2300 квадрат метрдан ортиқ майдон ажратилган. Шунингдек, алоҳида 855 квадрат метрда жойлашган зал.
[media=https://youtu.be/ZDa2IU49UXg]
Меҳмонхона ҳудудида 300та хона бўлиб, улардан 38таси «люкс» тоифасига киради. 5та дипломатик хоналар шунингдек, битта президентлик хонаси. Хоналар майдони 35-190 квадрат метрлар орасида. Интерьерда сокин туслардан, яъни оқ, қаймоқ, карамель ранглардан фойдаланилган. Оригинал интерьерлар эса ўзбек рассомлари ишлари билан тўлдирилган.
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
