Вазирлар Маҳкамаси қарори билан тарихий объектлар ва туризм ривожланмаган ҳудудларда меҳмонхоналар фаолиятини ривожлантириш чора-тадбирлари белгиланди.
Давлат бюджетидан туман (шаҳар)ларда кичик отелларни қуриш ва жиҳозлашга сарфланган харажатларнинг бир қисмини қоплаш учун бир марталик субсидия ажратилади.
Бунда субсидия янги қурилган (реконструкция қилинмаган) меҳмонхоналар ва кичик отелларга унинг тоифаси ва хоналар сонидан келиб чиқиб, 2025 йил 1 январдан 2026 йил 31 декабргача бўлган даврда мувофиқлик сертификати берилганлари учун ажратилади.
Субсидия олиш учун давлат хизматлари марказлари ва ЯИДХПга мурожаат қилиш лозим.
Республиканинг 22 та туман (шаҳар)ида (меҳмонхона мавжуд бўлмаган) кичик отеллар учун субсидия миқдори хоналарнинг умумий сонига қараб белгиланади:
- хоналар сони 10 тадан кам бўлганда ҳар бир хона учун 10 млн сўм;
- хоналар сони камида 15 та бўлганда, ҳар бир хона учун 15 млн сўм;
- хоналар сони камида 20 та бўлганда, ҳар бир хона учун 20 млн сўм.
Ҳужжат билан қуйидагилар тасдиқланган:
- ЮНЕСКОнинг Умумжаҳон маданий мероси рўйхатига киритилган ҳудудларда меҳмонхоналар қуриш ҳамда меҳмонхона мавжуд бўлмаган туман (шаҳар)ларда кичик отеллар қуриш ва уларни жиҳозлаш харажатларининг бир қисмини қоплаш учун субсидия ажратиш тартиби тўғрисидаги низом;
- Меҳмонхоналар мавжуд бўлмаган туман (шаҳар)лар рўйхати.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
Ўзбекистонда порахўрликда айбланган ҳоким ва “замҳокимлар”
Ўзбекистон ва БАА ўртасида иқтисодий шерикликнинг янги даври бошланди
Ўзбекистон БАА билан “қуруқ” портлар барпо этиш бўйича ҳамкорлик қилади
“Ўзгидромет” 15 январга об-ҳаво прогнозини эълон қилди
“Бешагач” бозорининг ўрнида бизнес марказ қурилиши режалаштирилмоқда
Самарқандда метро қурилиши бошланиши мумкин
