Ўзбекистонда соғлом турмуш тарзи ва оммавий спортни ривожлантиришга қаратилган тизимли ислоҳотлар жалб қилинмоқда. Соғлом турмуш ва спортнинг оммавийлашуви борасидаги катта ҳаракатлар, жумладан, олий таълим муассасалари ходимлари орасида жорий йилда «Ҳамкорлик кубоги» мусобақаси ўтказилди. Мусобақа Ўзбекистон халқаро исломшунослик академиясида бўлиб ўтди ва унинг асосий мақсади олий таълим муассасалари ходимларини спорт билан шуғулланишга рағбатлантириш ва соғлом турмуш тарзига эътиборни ошириш эди.
Беллашувлар Ўзбекистон халқаро исломшунослик академияси, Тошкент давлат юридик университети, Тошкент давлат иқтисодиёт университети, Тошкент давлат шарқшунослик университети ва Ўзбекистон давлат санъат ва маданият институти ходимлари ўртасида ташкил этилди. Лойиҳа «Долзарб 90 кун» доирасида ўтказилди ва унда футбол, волейбол, стол тенниси, шахмат-шашка ҳамда киберспорт каби спорт турлари бўйича баҳслар бўлиб ўтди.
Тадбирнинг очилиш маросимида Ўзбекистон Республикасининг Давлат мадҳияси янграганидан сўнг, иштирокчиларга Ўзбекистон халқаро исломшунослик академиясининг ректори Музаффар Камилов кириш сўзи билан мурожаат қилди ва уларга муваффақиятлар тилади.
Шунингдек, ушбу тадбирда спорт соҳасидаги ҳамкорликка алоҳида эътибор берилди. Ўзбекистон Республикасининг Спорт вазирлиги, Ўзбекистон Миллий олимпия қўмитаси, Ўзбекистон Миллий паралимпия қўмитаси, Ўзбекистон талабалар спорти ассоциацияси, Ўзбекистон соғлом турмуш тарзи ва фитнесс миллий ассоциацияси ҳамда Ўзбекистон давлат хореография академияси билан бир қаторда Ҳамкорлик келишувлари имзоланди.
Мусобақалар соғлом рақобат, ўзаро ҳурмат ва дўстлик муҳитида бўлиб ўтди. Футбол бўйича қизғин баҳслардан сўнг, 3-ўрин Ўзбекистон халқаро исломшунослик академияси жамоасига, 2-ўрин Тошкент давлат юридик университетига насиб этди. Ғолиблик эса Тошкент давлат иқтисодиёт университети жамоасига атaлган.
Волейбол тури бўйича эса ғолибликни Ўзбекистон халқаро исломшунослик академияси қўлга киритди. Ушбу мусобақалар катта қизиқиш ва юқори кайфият билан ўтди.
«Замин»ни Telegram’да ўқинг!
