Ўзбекистонда уй-жой қурилиши корхоналари сони ошиб бормоқда

Ўзбекистонда охирги йилларда уй-жой қурилиши ҳажми сезиларли тарзда ўсиб бораётгани кузатилмоқда. Миллий статистика қўмитаси эълон қилган маълумотларга кўра, бу йўналишда фаолият кўрсатаётган корхоналар сони ҳам йил сайин ортиб бормоқда.

Хусусан, 2025 йилнинг 1 август ҳолатига мамлакатимизда қурилиш соҳасида жами 29 232 та корхона фаолият юритмоқда. Бу кўрсаткич йил бошидан буён 1 824 тага кўпайгани қайд этилди.

Таъкидланишича, уй-жой қурилишига оид корхоналар ҳудудлар бўйича қуйидагича тақсимланган:

Тошкент шаҳри – 7 078 та корхона;

Тошкент вилояти – 2 640 та;

Фарғона вилояти – 2 177 та;

Самарқанд вилояти – 2 164 та;

Бухоро вилояти – 2 079 та;

Қашқадарё вилояти – 2 009 та;

Сурхондарё вилояти – 1 903 та;

Андижон вилояти – 1 690 та;

Қорақалпоғистон Республикаси – 1 506 та;

Хоразм вилояти – 1 452 та;

Наманган вилояти – 1 350 та;

Жиззах вилояти – 1 196 та;

Навоий вилояти – 1 154 та;

Сирдарё вилояти – 834 та.