Дам олиш кунларида ҳаво совиб, айрим ҳудудларда ёмғир кутилмоқда
Ноябр ойининг илк дам олиш кунларида мамлакат бўйлаб ҳаво салқинлашиб, ҳарорат ўртача 15–20 даражагача пасайиши кутилмоқда. 1 ноябр куни кечаси ва эрталаб Тошкент, Сирдарё ҳамда Жиззах вилоятларида қисқа муддатли ёмғир ёғиши мумкин. 2 ноябрдан республика бўйлаб қуруқ ва салқин об-ҳаво сақланади, шамол 7–12 м/с тезликда эсиб, айрим ҳудудларда 13–18 м/с гача кучайиши ва чанг-тўзон кузатилиши эҳтимоли бор.
Ўзгидромет маълумотларига кўра, ноябр ойининг биринчи кунларида мамлакат бўйлаб ҳаво салқинлашиб, айрим ҳудудларда ёмғир ёғиши эҳтимол қилинмоқда.
1 ноябрь куни кечаси ва эрталаб Тошкент, Сирдарё ҳамда Жиззах вилоятларида қисқа муддатли ёмғир ёғиши мумкин. 2 ноябрдан эса бутун республика бўйлаб қуруқ ва салқин об-ҳаво сақланиб туради.
Шамол асосан шарқдан 7–12 м/с тезликда эсади, айрим ҳудудларда унинг кучи 13–18 м/с гача етса, чанг-тўзонлар ҳам кузатилиши эҳтимолдан холи эмас.
Тошкент шаҳрида осмон ўзгарувчан бўлиб, 1 ноябрь куни кечаси бироз ёмғир ёғиши мумкин. 2 ноябрда ёғингарчилик кутилмайди. Ҳарорат кундузи 18–20 даража илиқ, кечаси эса 8–10 даража атрофида салқин бўлади.
Мутахассислар таъкидлашича, ноябрнинг илк дам олиш кунларида мамлакат бўйлаб ҳаво совиб, ҳарорат ўртача 15–20 даражагача пасайиши кутилмоқда. Бу ҳолат куз фаслининг охирги босқичига хос табиий жараён сифатида баҳоланмоқда.
Изоҳлар 0
…