Ўзбекистонда декабр ойи бўйича прогнозлар эълон қилинди. Ўзгидромет маълумотларига кўра, 2025 йил декабрида ҳарорат меъёрдан 1−1,5 даража юқори бўлиши кутилмоқда. Бу йилнинг декабрида қиш фаслининг бошида бироз илиқ ва қуруқ об-ҳаво сақланиши, шунингдек, баъзи жойларда ёмғир ёғиши мумкинлиги кўрсатилган.
1–3 декабр кунлари республика бўйича кундуз ҳарорати +12…+15 даража, кечaлари эса –3…+2 даража атрофида бўлиши кутилмоқда. 4–5 декабрда ёмғир ёғиши мумкин ва ҳарорат +3…+6 даражагача пасаяди. 6–7 декабрда эса ҳаво яна исиб, +12…+15 даражага кўтарилади.
Декабр ойи давомида ҳарорат кечалари –2…–7 даражага, кундуз кунлари эса +10…+15 даражага ўзгариб туради. Бу ойнинг айрим кунларида ёғингарчилик, ҳатто қор шаклидаги ёғингарчиликлар кузатилиши мумкин.
Ўтган йилларда декабр қандай бўлгани ҳақида метеорологик таҳлилларда, ўртача декабр ойи кузнинг охирги ойидан 4–6 даражага совуқроқ бўлгани маълум. 1984 йил декабри энг совуқ декабр ҳисобланади, унда ҳарорат меъёрдан 7–12 даражага паст бўлган. 2021 йилда эса декабр ойи энг илиқ бўлиб, ҳарорат меъёрдан 2–4 даража юқори бўлган.
Ўзбекистоннинг айрим ҳудудларида декабр ойи давомида ёғингарчилик миқдори кўпаяди, шунингдек, ёғинли кунлар сони ортиши кутилмоқда. Республика шимол ва чўл ҳудудларида ёғингарчилик кам бўлади, аммо Фарғона водийси ва тоғли ҳудудларда ёғингарчилик миқдори юқори бўлиши эҳтимол. Қор ёғиши ва унинг қоплами эса баъзи жойларда сақланиб қолади, сўнгги бундай ёғинлар 2002 йилда кузатилган.
Ушбу прогнозлардан кўриниб турибдики, декабр ойи Ўзбекистонда, кўпинча, ёғингарчиликнинг кўпайиши ва ҳароратнинг ўзгариши билан аниқланади.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
