Боши берк кўча ёхуд жавоби йўқ саволлар

— Нима учун долларфурушлар ҳам, обналчи (пластик карточкангиздаги пулни маълум ҳақ эвазига нақдлаштириб берувчи)лар ҳам бозорда?

— Чунки бозордан 10 метр ташқарига чиқса, департамент (Бош прокуратура ҳузуридаги СВОЖЖДЛҚК департаменти органлари назарда тутилмоқда — «tafsilot.uz») ходимлари ёки солиқчилар ушлаб кетади.

— Бозорнинг ичида нимага ушламайди?

— Чунки солиқчилар ва департамент ходимлари фақат деҳқон бозорини текширишга ҳақи бор.

— Буюм бозорларини-чи?

— Буюм бозорларини «Бозорлар бўлими» (Давлат солиқ қўмитасининг Бозорлар ва савдо комплекслари фаолиятини назорат қилиш бош бошқармасининг туман (шаҳар)лардаги бўлимлари назарда тутилмоқда — «tafsilot.uz») назорат қилади.

— «Бозорлар бўлими» қаерга бўйсунади?

— Давлат солиқ қўмитасига.

— Ҳудудий солиқ идораларига-чи?

— Уларга бўйсунмайди.

— Бозорда очиқдан-очиқ олдига 4 та терминални қўйиб олиб, пластикдаги пулларни бемалол фоиз эвазига нақдлаштираётган «тадбиркор»ни солиқчи ёки департамент ходими жиноят устида ушласа-чи?

— Ушлашга ҳаққи йўқ.

— Унда нимага биз солиқчини қувиб юрибмиз, инкассация қилдир деб?

— ???

Тоҳир Ёқубов

Янгиликлар