Солиқ қўмитаси матбуот хизмати хабарига кўра, Ўзбекистонда солиқ ҳисоботларини автоматлаштириш жараёни давом этмоқда. Бу ҳақда upl.uz хабар беради.
Маълумотларга қараганда, 2026 йил 1 январдан бошлаб автоматик тарзда тузиладиган солиқ ҳисоботлари сони оширилади. Рўйхатга беш турдаги ҳисобот киритилди: мол-мулк солиғи, ер солиғи, қўшилган қиймат солиғи, айланмадан олинадиган солиқ ҳамда жисмоний шахслар даромад солиғи ва ижтимоий солиқ.
Шу билан бирга, барча хўжалик юритувчи субъектларга автоматик ҳисоботларга ўзгартириш киритиш ҳуқуқи берилади. Бироқ тузатишлар киритиш муддати 5 иш кунидан ошмаслиги белгиланган, ҳисоб қайси санадан бошланиши эса аниқ кўрсатилмаган.
Агар белгиланган муддат ичида ҳисоботга ўзгартириш ёки аниқлаштириш киритилмаса, солиқ органлари томонидан автоматик шакллантирилган ҳисобот хўжалик юритувчи субъект томонидан қабул қилинган ва солиқ идораларига топширилган ҳисобланади.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
