Ўзбекистон Тожикистоннинг қор кўчкиларидан жабрланган аҳолисига инсонпарварлик ёрдамини жўнатди

Ўзбекистон Республикаси Президенти Шавкат Мирзиёев топшириғига мувофиқ, Ўзбекистон ҳукумати Тожикистон Республикаси тоғли ҳудудларида катта қор кўчкилари оқибатида нафақат иқтисодий зарар етказган, балки инсонлар ҳалок бўлишига олиб келган табиий офатдан жабрланганларга инсонпарварлик ёрдами кўрсатиш ҳақида қарор қабул қилди, деб ёзади Дарё нашри.

Қўшни мамлакат халқига юборилаётган инсонпарварлик ёрдамининг умумий ҳажми қарийб 60 тоннани ташкил этади. Унинг таркибида озиқ-овқат маҳсулотлари, дори-дармон ва тиббиёт буюмлари, қурилиш материаллари, кўмир, иссиқ кийим ва биринчи эҳтиёж учун зарур бошқа товарлар бор.

Ўзбекистон Республикаси Фавқулодда вазиятлар вазирлигига инсонпарварлик ёрдамини шакллантириш, уни Тожикистонга етказиш ва топшириш ишларини мувофиқлаштириш вазифаси юклатилди. «Замин»ни Telegram’да ўқинг!