Азим Аҳмадхўжаев Инвестициялар бўйича давлат қўмитаси раиси этиб тайинланди

Ўзбекистон Президенти Шавкат Мирзиёев ўз фармони билан Азим Аҳмадхўжаевни Инвестициялар бўйича давлат қўмитаси раиси этиб тайинлади. Бу ҳақда «Газета.uz»га асосланиб "Дарё.уз" хабар бермоқда.

Президентнинг жорий йил 31 мартдаги фармони билан ташкил этилган Инвестициялар бўйича давлат қўмитаси ягона инвестицион сиёсатини шакллантириш ва амалга ошириш ҳамда хорижий инвестицияларни жалб қилишга жавобгар ҳисобланади.

Азим Аҳмадхўжаев 1979 йилда туғилган. 2002 йилда Тошкент давлат иқтисодиёт университетини тамомлаган. Ўтган йил май ойидан бошлаб «Асака» банкини бошқариб келаётганди.

Бунга қадар Ўзбекистон Ташқи иқтисодий фаолият миллий банки бошқаруви раиси ўринбосари, сўнг раиснинг биринчи ўринбосари лавозимларида ишлаб келган. «Замин»ни Telegram’да ўқинг!