12 591
Дунёнинг 500та энг яхши олий ўқув юртларининг дипломи имтиҳонсиз нострификация қилинадиган бўлди
ЎзР Вазирлар Маҳкамасининг 2017 йил 3 апрелдаги 173-сонли "Хорижий мамлакатларда берилган таълим ҳақидаги ҳужжатларни тан олиш ва нострификация қилиш (эквивалентлигини белгилаш) тартибига оид Низомга тузатиш ва қўшимчалар киритиш тўғрисида"ги қарори эълон қилинди, деб ёзмоқда norma.uzга асосланиб "Соф.уз" нашри.
Эслатиб ўтамиз, хориж ўқув муассасаларида олинган диплом Ўзбекистонда нострификациялангандан ёки тан олингандан сўнггина юридик кучга эга бўлади.
Тан олиш бу енгилроқ процедура бўлиб, муайян халқаро шартнома борлиги туфайли Ўзбекистон Республикасида бирор давлатга тегишли таълим ҳужжати қабул қилинади.
Нострификация хорижий давлатда берилган маълумот ҳақидаги ҳужжатнинг эквивалентлигини белгилашдир.
Тилга олинган ҳужжат матни билан қонунчиликда танишишингиз мумкин.
Кун.уз сайти нострификация ва тан олиш жараёнларига ойдинлик киритди.
Тан олиш ва нострификация учун қандай янги ҳужжатлар топшириш керак?
Тан олиш ёки нострификация ҳақидаги аризанинг янги шакли тасдиқланди. Бундан ташқари, унга бириктирилган ҳужжатлар рўйхатига қуйидагилар қўшилди:
- аризачининг шахсини тасдиқловчи ҳужжат нусхаси;
- тан олиш ва нострификация учун тўлов киритилганини тасдиқловчи ҳужжат.
Қандай ҳолатларда ҳужжат тан олинмаслиги мумкин?
Таълим тўғрисидаги ҳужжатнинг тан олиниш талабларига хорижий таълим муассасасидаги таълим шаклининг Ўзбекистондаги тизим шаклига мувофиқлиги ҳам қўшилди. Масалан, Ўзбекистонда муайян мутахассисликлар бўйича сиртқи таълим шакли тақиқланган бир пайтда сиртқи таълим тўғрисидаги хорижий дипломлар тан олинмайди.
Қандай ҳолларда нострификацияда имтиҳон топширилмайди?
Чет элларда таълим олган битирувчилар ҳужжатлари нострификацияси қуйидаги ҳолатларда тўғридан-тўғри (махсус синовларсиз) амалга оширилади:
- Ўзбекистон Республикасининг халқаро битимлари, Президент ҳужжатлари, Вазирлар Маҳкамаси қарорлари, буйруқлари ва протокол қарорларига асосан таълим олганлар;
- Президент ҳужжатлари, Вазирлар Маҳкамаси қарорларига мувофиқ Ўзбекистон Республикаси ҳудудида фаолият кўрсатаётган таълим муассасаларида таҳсил олганлар;
- тасарруфида олий таълим муассасаси бўлган вазирлик ва идоралар йўналишлари бўйича мутахассисларни тайёрлаш мақсадида хорижий мамлакатлар томонидан ажратилган квоталар эвазига таълим олганлар;
- халқаро тан олинган ташкилотлар рейтингида илк 500 позицияни эгаллаган таълим муассасаларида таълим олганлар. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Россиянинг ҳарбий операциядаги манёври Украинани ҳайратга солди
Россия Ғазога 29 тоннадан ортиқ инсонпарварлик ёрдами жўнатди
АҚШ Исроилдан юз ўгирдими? Нетаняҳу Вашингтонга бормайди
Нетаняҳу Исроил делегациясининг АҚШга сафарини бекор қилди
Дубай ҳукмдорининг энг гўзал қизи қандай ҳаёт кечиради?
Эммануэл Макрон: “Украина тез орада қулаши мумкин”
Қаҳва ва саратон: олимлардан зўр янгилик!
«Крокус»даги ҳужум бўйича саккизинчи айбланувчининг исми ошкор қилинди