Саида Мирзиёева Сержио Гор билан АҚШнинг улкан ҳарбий кемасига ташриф буюрди

1 дақиқа ўқиш3
Саида Мирзиёева Сержио Гор билан АҚШнинг улкан ҳарбий кемасига ташриф буюрди

Ўзбекистон Президенти Администрацияси раҳбари Саида Мирзиёева АҚШнинг Ҳиндистондаги элчиси, шунингдек, АҚШ Президентининг Жанубий ва Марказий Осиё бўйича махсус вакили Сержио Гор билан бирга Ҳинд океанида жойлашган «USS George Washington» атом авианосерига ташриф буюрди.

Бу ҳақда Саида Мирзиёева ўзининг Telegram-каналида маълум қилди.

«Бу улкан кеманинг тузилиши, ноёб технологиялари билан танишиш ва экипаж аъзоларининг фаолиятини кузатиш ўзгача таассурот қолдирди», — деб ёзди у.

Ташриф давомида меҳмонларга ҳарбий кеманинг ички тузилиши, техник имкониятлари ва экипаж фаолияти ҳақида маълумот берилди. Шунингдек, Carrier Air Wing 5 авиация қанотига тегишли самолётларнинг парвоз намойиши ташкил этилди. Меҳмонлар авианосернинг учиш майдончасидаги авиация операцияларини ҳам кузатди. Ташриф 20 ноябрь куни бўлиб ўтган.

Маълумот учун, «USS George Washington» (CVN-73) — АҚШ Ҳарбий-денгиз кучларининг «Нимитс» тоифасидаги олтинчи атом авианосери бўлиб, мамлакатнинг биринчи президенти Жорж Вашингтон шарафига номланган.

Кема 1990 йилда сувга туширилган ва 1992 йил 4 июлда расман фойдаланишга топширилган. Унинг узунлиги 333 метрни, тўлиқ юкланган ҳолатдаги сув сиғими эса 100 минг тоннадан ортиқни ташкил этади.

Авианосер иккита ядровий реактор ёрдамида ҳаракатланади. Унинг бортида қирувчи самолётлар, разведка самолётлари ва вертолётларни ўз ичига олган 60 дан ортиқ ҳаво кемаси жойлашиши мумкин. Экипаж ва авиация ходимларининг умумий сони эса 5 минг нафардан ошади.

Ҳозирда «USS George Washington» Япониянинг Ёкосука шаҳрида жойлашган бўлиб, АҚШ Ҳарбий-денгиз кучларининг Ҳинд-Тинч океани минтақасидаги асосий ҳарбий кемаларидан бири ҳисобланади.

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?