Ўзбекистон Республикаси Президенти Шавкат Мирзиёев республика фуқаролари учун хорижга чиқиш паспортларини жорий этиш бўйича мутасадди органлар олдига аниқ ва муайян чораларни ишлаб чиқиш вазифасини қўйди.
Президентнинг 2017 йил 11 июлда қабул қилинган «Миграцион жараёнлар ва фуқароликни расмийлаштириш соҳасида ички ишлар органлари фаолиятини тубдан такомиллаштириш чора-тадбирлари ҳақида»ги Қарорига мувофиқ, Давлат идоралари бир ой муддат ичида хорижий давлатларга чиқиш паспортини жорий этиш учун асосланган таклифларни киритиши лозим.
Ушбу қарор Президентнинг расмий сайтида эълон қилинди.
«Бир ой муддат ичида хорижга чиқиш паспортини жорий этишнинг аниқ босқичлари, муддатлари, техник шартлари ва молиявий харажатларини назарда тутувчи, асосланган таклифлар киритилсин», — дейилади ҳужжатда.
Қарорга кўра, таклифларни ишлаб чиқиш билан Вазирлар маҳкамаси ҳузуридаги давлат персоналлаштириш маркази, Ички ишлар вазирлиги, Ташқи ишлар вазирлиги, Ахборот технологиялари ва коммуникацияларни ривожлантириш вазирлиги, Миллий хавфсизлик хизмати ва «Давлат белгиси» давлат ишлаб чиқариш бирлашмаси шуғулланиши белгилаб қўйилган.
Ўзбекистон Республикаси молия вазирлигига қарорда назарда тутилган чора-тадбирларни амалга ошириш учун зарур маблағларни ажратиш вазифаси юклатилган. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Америкалик олимлар барча учун бирдек фойдали жисмоний фаоллик турини аниқлади
Россия дунёдаги биринчи водород ёқилғили автомобилни тақдим этди
Тошкентда 02 кодли авторақамлар тахминан қачон пайдо бўлиши айтилди
Сариқми ёки яшил: қайси турдаги банан фойдалироқ?
Германияда мактаб ўқувчилари оммавий равишда ислом динини қабул қилмоқда
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Эрон президенти жиддий баёнот берди: «Исроилдан ҳеч нарса қолмайди»
Қайси кундалик одатлар иммунитет пасайишига олиб келишини биласизми?