Ўзбекистонлик уруш фахрийлари Умра ибодатини адо этишди

Ўзбекистонлик Иккинчи жаҳон уруши фахрийлари ҳаж зиёратини амалга ошириш учун Саудия Арабистонининг Маккаи мукаррама шаҳрига соғ-саломат етиб келишди.

Фахрийлар ишчи гуруҳ ва гуруҳбошилар ҳамроҳлигида ташкилий равишда махсус автобусларда Каъбаи муаззамага йўл олишди. Уларнинг саломатликларини мунтазам назорат қилиб бориш мақсадида шифокорлар гуруҳи ҳам фахрийларга ҳамроҳлик қилишди. Масжидул Ҳарамга етиб келган ўзбекистонлик зиёратчиларнинг барчалари Умра ибодатини мукаммал адо этишди.

Фахрийлар ўз ибодатларини амалга оширар экан, халқимиз фаровонлиги, юртимиз осмони ҳамиша мусаффо бўлиши, мана шундай шароитларни яратиб берган Президент Шавкат Мирзиёев ҳақига дуо қилишди.


Манба: Kun.uz «Замин»ни Telegram’да ўқинг!