«Ўзбекистон» телеканалининг «Мулоқот вақти» кўрсатувида вилоятлар ва чекка ҳудудларда бензин тақчиллиги, ёнилғи қуйиш шохобчаларида бензиннинг бир неча кунлаб бўлмаслиги, фуқароларнинг бензинни қиммат нархларда қўлдан сотиб олишига мажбур бўлаётгани каби муаммолар муҳокама этилди.
Кўрсатувга Ички ичлар вазирлиги ёнғин хавфсизлиги бошқармаси, Истеъмолчилар ҳуқуқларини ҳимоя қилиш жамияти, «Ўзнефтмаҳсулот» АЖ, Солиқ қўмитаси масъул ходимлари, маҳалла раислари, ОАВ вакиллари таклиф этилди ва ўртага ташланаётган масала атрофлича ўрганилди.
«Дарё» мухбирининг Ўзбекистонда бензин нархи ошиши ҳақида ижтимоий тармоқлар ва турли сайтларда тарқалган гап-сўзлар қанчалик асосли эканлиги ҳақидаги саволига «Ўзнефтмаҳсулот» АЖ бошқарув раисининг ишлаб чиқариш, истиқболли ривожлантириш ва инвестициялар бўйича ўринбосари Адҳамжон Исомов қуйидагича жавоб берди:
«Жамиятимиз томонидан аҳолига бензин етказиб бериш бўйича қилаётган иқтисодий-молиявий сарфимизни бугунги кунда сотилаётган бензин нархи қопламайди. Буни ҳаммамиз яхши биламиз. Айтиш мумкинки, биз зарар кўрган ҳолда аҳолига бензин етказиб беряпмиз. Зaрaр давлат томонидан қоплаб бериляпти. Бугунги кунда барчага маълумки валюта либерализацияси бўлди. Биз олиб келаётган хом ашёмизнинг бир тоннаси 4100 сўм миқдорида конвертация қилинган бўлса, эндиликда 8100 сўмдан конвертация қилиб, аҳолига етказиб бермоқдамиз».
«Ўзнефтмаҳсулот» АЖ бошқарув раиси ўринбосарининг сўзларига кўра, бензин нархини белгилаш жамият ваколатига кирмайди. Бу масала Ўзбекистон Республикаси молия вазирлигининг ваколатига киради.
Шунингдек, унинг айтишича, «Ўзнефтмаҳсулот» АЖ барча вилоятларга етарли миқдорда бензин ёнилғисини етказиб бермоқда. Автомобильга ёнилғи қуйиш шохобчалари ходимлари эса бензинни қўлда сотиш орқали даромад орттириш мақсадида бензиннинг сунъий тақчиллигини юзага келтирмоқда. Натижада эса истеъмолчилар бензинни давлат томонидан белгиланган нархдан анча қимматроқ нархга сотиб олишга мажбур бўлмоқда.
Бензин нархининг ошиши бошқа истеъмол маҳсулотларининг нархи ошишига ҳам таъсир кўрсатади. Чунки бензин нархининг ошиши маҳсулотларни ташиш ва етказиб бериш хизматларининг нархи қимматлашишига олиб келади.
Маълумот учун, бугунги кунда Ўзбекистонда энг арзон Аи-80 туридаги бензиннинг 1 литри 2800 сўмдан сотилмоқда. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Небензя Ғарбнинг БМТ Хавфсизлик Кенгашидаги нутқини иккиюзламачилик паради деб атади
Пентагоннинг собиқ таҳлилчиси Ғарб нега Украинада тинчлик истамаслигини тушунтирди
Давлат хавфсизлик хизмати маклерларга қўшиб мансабдорларни ҳам қўлга олди
“Толибон” Эроннинг Исроилга қарши ҳужумини қўллаб-қувватлади
Можародан сўнг Украинани нима кутаётгани маълум бўлди
Эроннинг Исроилга ҳужуми шунчаки спектакль эдими?..
Бухоро вилоятида «Нексия-3» автомашинаси букланиб қолди
Қатар Маданият вазирлиги делегацияси Ўзбекистонда: улар қаерларга боради?
