10:11 / 30.01.2019
4 105

Бош вазир энди масъул лавозимларга хорижда яшаётган ватандошларни тайинлайди

Бош вазир энди масъул лавозимларга хорижда яшаётган ватандошларни тайинлайди
Ўзбекистон Республикаси президенти “Мамлакатни ижтимоий-иқтисодий ривожлантиришнинг стратегик вазифалари амалга оширилиши самарадорлиги учун Ўзбекистон Республикаси Вазирлар Маҳкамасининг масъулиятини оширишга доир биринчи навбатдаги чора-тадбирлар тўғрисида”ги фармонни имзолади.

Қайд этилишича, Ўзбекистон Республикаси бош вазири ўринбосарларининг эътибори тегишли вазирликлар, идоралар, давлат ва хўжалик бошқаруви бошқа органларининг биринчи раҳбарлари ва уларнинг ўринбосарлари лавозимларига муносиб, ўз ишини пухта биладиган ва замонавий фикрлайдиган номзодларни танлашга доир кадрлар билан ишлашнинг сусайтирилишига йўл қўйиб бўлмаслигига қаратилади.

Ўзбекистон Республикасининг бош вазири А.Н.Арипов Ўзбекистон Республикаси президенти Администрацияси билан биргаликда 2019 йил 1 мартга қадар:
- тегишли давлат бошқаруви органлари раҳбарларининг бўш лавозимларига, ушбу лавозимларга хотин-қизларни тавсия этишга алоҳида эътибор берган ҳолда, тайинлаш учун номзодлар захирасини пухта ишлаб чиқади, асослайди ва кўриб чиқиш учун Ўзбекистон Республикаси президентига тақдим этади;
- масъул лавозимларга хорижда яшаётган ватандошлар ва хорижий мутахассислар орасидан тажрибали менежерларни тайинлаш амалиётини кенг жорий этади.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Ўзбекистон » Бош вазир энди масъул лавозимларга хорижда яшаётган ватандошларни тайинлайди