Косонда мактаб ўқувчилари мажбурий меҳнатга жалб этилди. Журналист ўртага тушди

  • 05 март 2019, 18:55
  • 2 575
  • Ўзбекистон
  • Косонда мактаб ўқувчилари мажбурий меҳнатга жалб этилди. Журналист ўртага тушди
    Жорий йилнинг 19-февраль куни Қашқадарё вилояти Косон туманидаги 34-умумий ўрта таълим мактабида ўқувчилар мажбурий меҳнатга жалб қилинди. Бу ҳақда «Фаровон» маҳалла фуқаролар йиғинида ижодий сафарда бўлган «Nasafnews.uz» нашри мухбири хабар бермоқда.

    Мухбиримиз берган маълумотларга кўра, 34-мактабнинг хўжалик мудири вояга етмаган мактаб ўқувчиларини дарс вақтида мажбурий меҳнат ишларига сафарбар этган. Ўқувчилар мактаб ҳудудида жойлашган ариқни тозалаш ишларини бажаришган.

    Воқеага гувоҳ бўлган мухбиримиз мактаб жамоасидан вазият бўйича изоҳ сўрашга ҳаракат қилган. Лекин масъуллардан аниқ жавобни ололмагач йиғилиш учун туман марказига кетган мактаб раҳбари Асқар Примовни огоҳлантирган.

    Вазиятдан хабар топган директор мактабда илгари таҳсил олган журналист, айни пайтда Қашқадарё телерадиоканали мухбири Ҳусниддин Илёсовга боғланиб, ҳолатни яширишга ҳаракат қилган. Ўз навбатида, Ҳусниддин Илёсов мухбиримизга қўнғироқ қилиб мана шу ҳудуд депутатлигини, қолаверса мактаб қурилишида «жонбозлик» кўрсатганлигини «қистириб» ўтиб бу ҳолатга кўз юмишини сўраган.

    Бугун вилоятимиздаги мактабларда тез-тез учраб турадиган вояга етмаган болаларни мажбурий меҳнатга жалб қилиш ҳолатлари бўйича Қашқадарё вилоят халқ таълими бошқармаси нима дейди?…
    Дилшод НАБИЕВ

    » » Косонда мактаб ўқувчилари мажбурий меҳнатга жалб этилди. Журналист ўртага тушди