“Summerdays” YouTube канали юритувчилари россиялик влогерлар Денис ва Таня Андижонга саёҳат қилишди. Денис ва Таня гастрономик туризм бўйича влог юритиб, ўз обуначиларини ўзбек ошхонасининг ўзига хос хусусиятлари билан таништириб боришади. Бу ҳақда Туризмни ривожлантириш давлат қўмитаси хабар берди.
Денис ва Таня Андижон шаҳрига келган кунидаёқ машҳур “андижонча чойхона палови”нинг тайёрланиш жараёнини суратга олди ва ўз каналида жойлаштирди. Ушбу видеолавҳа аллақачон 186 минг мартадан ортиқ томоша қилинди.
Вилоятга келганларига тўрт кун бўлган влогерлар бугунгача Избоскан туманидаги хонадонлардан бирида шавла тайёрланиш, Андижон туманидаги хонадонлардан бирида “уй оши” тайёрланиш, Шаҳрихон шаҳридаги пичоқчи ҳунармандларнинг миллий пичоқ тайёрлаш жараёнлари ҳақидаги видеолавҳаларни ўзларининг YouTube каналларига жойлаштиришди.
Видеолавҳалар 540 минг мартадан ортиқ томоша қилинди. Денис ва Таня шунингдек Андижон шаҳрининг диққатга сазовор масканлари билан танишиш ва улар ҳақида ҳам кўрсатув тайёрлашни ҳам режалаштирган. Маълумот учун: Денис ва Танянинг “Summerdays” YouTube канали обуначилари сони 171 минг нафардан зиёд бўлиб, каналга жойланган видеороликлар 40 миллион мартадан ортиқ томоша қилинган.
Бу уларнинг Ўзбекистонга биринчи келишлари эмас. Улар аввалроқ Бухоро, Самарқанд, Қашқадарё, Жиззах вилоятларида ҳам бўлиб, ўз обуначиларини мазкур вилоятларнинг ўзига хос таомларини тайёрлаш жараёни билан таништиришган. Шуниси диққатга сазоворки, ушбу YouTube каналининг обуначилари турли мамлакатлардан бўлиб, улар ўз изоҳларида тез орада Ўзбекистонга саёҳат қилиш ниятида эканликларини билдиришмоқда.
“Таътилни Европадаги давлатлардан бирида ўтказмоқчи эдим, фикримдан қайтдим. Ёзги таътилни, албатта, Ўзбекистонда ўтказаман”, — деб ёзади обуначилардан бири. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Велосипедда сайр қилиш учун 3 сабаб: ёшартиради, оздиради ва умрни узайтиради
Германияда мактаб ўқувчилари оммавий равишда ислом динини қабул қилмоқда
Россия дунёдаги биринчи водород ёқилғили автомобилни тақдим этди
Америкалик олимлар барча учун бирдек фойдали жисмоний фаоллик турини аниқлади
Мария Захарова украиналикларни Америка ҳиндуларига ўхшатди
“Толибон” Афғонистоннинг Хост вилоятида беш нафар фуқарони қамчи билан жазолади
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Зоир Мирзаев “Телефонсиз мактаб”га 300 млн сўм мукофот берди
