Дам олиш кунлари кутилаётган об-ҳаво маълумоти эълон қилинди

Қайд этилишича, ёмғир, қор ёғиб ўтган оз совуқ муддатдан кейин бугундан Ўзбекистонда кам булутли ва қуруқ об-ҳаво кузатилмоқда.
Эртага, қишнинг охирги кунида ҳам худди шундай об-ҳаво сақланиб туради. Тунги ҳарорат 0 даража атрофида, кундузи эса 12-17 даража илиқ бўлади.

Баҳорнинг илк кунларида об-ҳаво ҳақиқий баҳорий - илиқ ва қуёшли бўлади. Мамлакат ҳудудига Туркманистон ҳудудидан кирадиган ҳаво оқими таъсирида ҳарорат кўтарилиб боради ва кундузи 20-23 даража илиқни ташкил қилади, бу баҳорнинг боши учун хос бўлган ўртача кўп йиллик қийматлардан 8-10 даражага юқори. «Замин»ни Telegram’да ўқинг!