14:03 / 11.03.2020
2 752

Фарғонада коллеж директорини «шантаж» қилган шахс ушланди

Фарғонада коллеж директорини «шантаж» қилган шахс ушланди
Риштон тумани политехника касб-ҳунар коллежи директори А.Р.га нисбатан товламачилик қилган шахс қўлга олинди. Бу ҳақда Бош прокуратура матбуот хизмати маълум қилмоқда.

Унга кўра, фуқаро Н.И. ўзига мазкур коллежни тамомлагани ҳақида сохта диплом тайёрлаб берганини тасдиқловчи аудиоёзувни «тегишли жойга» тақдим этиш билан қўрқитиб, директордан 500 АҚШ доллари талаб қилади. Директор эса талабга розилигини билдириб, амалда эса ундан аввал ўзи тегишли жойга мурожаат қилади. Натижада Н.И. Бош прокуратура ҳузуридаги департаментнинг Фарғона вилояти бошқармаси ходимлари томонидан ўтказилган тадбирда далилий ашёлар билан қўлга олинади.

Айни пайтда Н.И.га ҳам, коллеж директорига ҳам жиноят иши қўзғатилган. Бири товламачилик, иккинчиси мансабдорликка оид айблов билан тергов қилинмоқда. Жиноят иши ҳадемай судга оширилади.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Ўзбекистон » Фарғонада коллеж директорини «шантаж» қилган шахс ушланди