13:20 / 10.03.2021
2 289

Ҳафта охирида Ўзбекистон ҳудудига совуқ ва нам ҳаво оқими кириб келади

Ҳафта охирида Ўзбекистон ҳудудига совуқ ва нам ҳаво оқими кириб келади
Ўзгидромет Ўзбекистонга кириб келаётган совуқ ҳаво неча кун сақланиб туришини маълум қилди.

Баҳор келиб, кунлар яна исиб, дарахтлар яна гуллаётган вақтда Ўзбекистон ҳудудига кириб келаётган совуқ ҳаво ҳақида маълумотлар пайдо бўлди. Kun.uz мухбири мамлакатда ноқулай об-ҳаво қанча муддат давомида сақланиб туришига аниқлик киритиш мақсадида «Ўзгидромет» матбуот котиби Мунисахон Асилхўжаевага мурожаат қилди.

Маълум қилинишича, Ўзбекистон ҳудудига 13-14 мартда Волга бўйи орқали Россиянинг (Москва вилояти) Европа ҳудудлари устида шаклланган совуқ ва нам ҳаво массалари кириб келади.

13-14 мартда республикада ёғингарчилик (ёмғир, 14 мартга ўтар кечаси қорга айланади), баъзи жойларда кучли бўлади. Қорақалпоғистонда, Хоразм вилоятида 13 мартда қор ёғади, баъзи жойларда кучли бўлиши мумкин.

14-15 мартда ҳарорат кечалари 2-7° совуқгача, кундуз кунлари 2° совуқ- 3° илиқгача, Қорақалпоғистонда кечалари 10-15° совуқгача, кундуз кунлари 2-7° совуқгача, Хоразм вилоятида кечалари 6-11° совуқгача, кундуз кунлари 0-5° совуқгача пасаяди.

13-14 мартда республика бўйича баъзи жойларда шамол 17-22 м/с гача кучайиши кутилмоқда, баъзида эса 25-28 м/с гача кучайиши мумкин.

«Бундай об-ҳаво 15-16 март кунларида ҳам давом этади. Лекин у кунлардаги аниқ ҳарорат бўйича тасдиқланган маълумотлар алоҳида эълон қилинади», деган у.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Ўзбекистон » Ҳафта охирида Ўзбекистон ҳудудига совуқ ва нам ҳаво оқими кириб келади