Нархи 7,3 минг доллардан бошланадиган Hyundai Exter кроссовери тақдим этилди

^{Фото: Hyundai}

Hyundai компанияси ўзининг энг ихчам кроссовери Exter’ни расман тақдим этди. Автомобил Ҳиндистон бозори учун мўлжалланган.

Exter 1,2 литр ҳажмли 83 от кучига эга двигател билан жиҳозланган. Узатмалар қутиси икки хил бўлиб, комплектацияга қараб тақдим этилади — механик ва робот. Олд ғилдираклар тортувчи ҳисобланади.

Exter’нинг 7,3 минг доллар турадиган базавий комплектациясида 6 та хавфсизлик ёстиқчаси мавжуд. АBS системаси билан таъминланган. Топ версия учун 12 минг доллар нарх белгиланган. Унда медиатизимни бошқариш учун 8 дюймлик дисплей, иқлим назорати, круиз-назорат, люк каби қулайликлар жорий этилган.

Машинанинг узунлиги 3815 мм, эни 1710 мм, бўйи 1631 ммни, ғилдираклар базаси эса 2450 ммни ташкил қилади.