Фото: BMW
Германиянинг BMW автоконцерни моделлари келажакда Neue Klasse деб аталадиган кўринишда ишлаб чиқарилади. Бу ҳақда BMW бош дизайнери Адриан ван Ҳоойдонк сўзларига таяниб Carscoops хабар берди.
Бош конструктор сўзларига кўра, электромобиллар ва ички ёнув двигателлари билан жиҳозланган автомобиллар турли пропорция ва интериер дизайни деталларига эга бўлади, бироқ умумий кўриниши бир хил қолади.
Янги услубни акс эттирувчи биринчи модел келаси йили бозорга чиқадиган электр кроссовер бўлади. Шундан кейин дунё янги седанни кўради.
Адриан ван Ҳоойдонк инқилобий Panoramic Vision проекция дисплейини эслатди, бу кейинги авлод BMW моделларининг асосий хусусиятларидан бири бўлади.
Бошқа хусусиятлар орасида ноодатий шаклдаги марказий дисплей, футуристик бошқарув элементлари ва «яшил» материаллар мавжуд. Ечимларни янги маҳсулотларнинг расмий тақдимотидан кейин баҳолаш мумкин бўлади.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
