General Motors компанияси Мисрда янги 2025-йилги Chevrolet Optra седанини ишлаб чиқаришни бошлади. Унинг бошланғич нархи $14,500 этиб белгиланган.
Янги Optra 98 от кучига эга 1,5 литрли тўрт силлиндрли двигател билан жиҳозланган. Харидорлар учун иккита вариант мавжуд: вариатор (CVT) ва олти босқичли механик узатмалар қутиси.
Миср бозорида машина асосий ва LT (Luxury Touring) моделларида сотувга чиқарилади. Асосий модел LED орқа чироқлар ва 15 дюймли пўлат ғилдиракларга эга. LT версияси эса қўшимча равишда қотишма ғилдираклар, LED кундузги чироқлар, олд туманга қарши чироқлар, автоматик иқлим назорати ва икки рангли интерьер билан жиҳозланган.
Ҳар икки модель ҳам Android Auto ва Apple CarPlay’ни қўллаб-қувватлайдиган 8 дюймли сенсорли экран билан жиҳозланган. Chevrolet Optra ўзининг техник хусусиятлари жиҳатидан Chevrolet Aveo билан ўхшашликларга эга. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
