Жанубий Кореянинг Сеул Миллий Фан ва Технология Университети олимлари электромобиллар учун аккумуляторларнинг самарадорлигини оширишнинг янги усулини ишлаб чиқишди. Профессор Донгвук Хан бошчилигидаги жамоа LNMO (литий-никель-марганец оксиди) асосидаги катодларни яхшилаш учун икки босқичли муҳандислик ёндашувини ишлаб чиқди.
LNMO катодлари термал барқарорлиги ва иқтисодий самарадорлиги билан машҳур, аммо электролит парчаланиши каби ножўя реакциялар сабабли уларнинг қўлланилиши чекланган эди. Янги технология махсус ион миграция йўллари ва калий карбонат билан ҳимоя қатлами яратиш орқали ушбу муаммоларни бартараф этишга ёрдам берди.
Синов натижалари модификацияланган катодларнинг самарадорлиги сезиларли даражада ошганини кўрсатди: улар 110 мАс/г сиғимга эга бўлиб, 100 циклдан кейин 97% сиғимни сақлаб қолган. Таqqoslash учун, оддий LNMO катодлари 89 мАс/г сиғим билан 91% самарадорликни сақлаб қолган эди.
Профессор Ханнинг таъкидлашича, ушбу технология фақат LNMO билан чекланмай, балки юқори унумдорликка эга NMC ва LFP аккумуляторларига ҳам татбиқ этилиши мумкин. Бу эса электромобиллар ва энергия сақлаш тизимлари учун катта имкониятлар яратади. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
