Kia компанияси Ҳиндистон бозорига мўлжалланган янги Kia Syros кроссоверини тақдим этди. Модель 11 500 доллардан бошланадиган нархда сотувга чиқади ва бензин ҳамда дизель двигателлар билан тақдим этилади.
База версияси 120 от кучига эга 1,0 литрли турбобензин двигател ва механик узатмалар қутиси билан жиҳозланган. Унга галоген фаралар, 15 дюймли пўлат дисклар, 12,3 дюймли мультимедиа экрани, Android Auto ва Apple CarPlay, орқа камера, кондиционер ҳамда электр бошқарилувчи ойналар киради.
Кенгайтирилган версия эса қуйидаги қўшимча опциялар билан тақдим этилади: люк, том релслари, электр букалувчи ойналар, қўшимча динамиклар ва ҳайдовчи ўриндиғининг баландлигини созлаш. Ушбу версия дизель двигател билан ҳам таклиф қилинади ва унинг нархи 12 600 доллар.
Автомат узатмалар қутиси фақат икки педалга эга бензин версиясида мавжуд бўлиб, 14 700 доллардан сотувга чиқарилади. Дизель двигател билан жиҳозланган автоматик версия эса 19 500 долларга баҳоланган.
Юқори тоифадаги версияларда қуйидаги функциялар мавжуд: 360° камера, ADAS 2-авлод хавфсизлик тизими, кўр майдон мониторинги, орқа ўриндиқлар вентиляцияси, Harman/Kardon аудио тизими ва автоматик ёритиш бошқаруви.
Kia Syros яқин ҳафталарда Ҳиндистонда сотувга чиқиши режалаштирилган. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
