Chevrolet яна бир моделни ишлаб чиқаришни тўхтатмоқда

General Motors компанияси Шимолий Америка бозори учун ички ёнув двигатели (ИЁД) билан жиҳозланган Chevrolet Blazer ишлаб чиқаришни якунлайди, деб хабар берди GM Authority.

Автомобиль 2025-йилги модел йилидан кейин ишлаб чиқаришдан чиқарилиши мумкин. Бунгача компания худди шундай қарорни Cadillac XT5 ва Cadillac XT6 моделларига нисбатан ҳам қабул қилган эди.

Агар шундай бўлса, Шимолий Америка бозорида GM'нинг ички ёнув двигателига эга ўрта ўлчамли кроссоверлари қолмайди. Chevrolet Blazer'нинг бензинли аналоги сифатида Chevy Equinox таклиф қилиниши мумкин, бироқ унинг двигатели унчалик кучли эмас. Шунингдек, харидорларга электр Chevy Blazer EV ҳам тақдим этилади.

Ҳозирда Chevrolet Blazer Мексиканинг GM Ramos Arizpe заводида ишлаб чиқарилмоқда. Журналистларнинг хабарига кўра, келажакда бу завод фақат электромобилларни ишлаб чиқаришга ўтади.

Chevrolet Blazer'нинг ишлаб чиқарилиши бошланганидан буён беш йил ичида унинг савдоси 45% га камайди (95 минг донадан 52,5 минг донагача). “Замин” янгиликларини “Telegram”да кузатиб боринг