Chevrolet Spark’нинг ихчам кроссовер кўринишдаги янги версияси (фото)

^{Фото: Chevrolet Brasil}
Chevrolet компанияси Spark автомобилининг янгиланган модели — Spark EUV кроссоверини ишлаб чиқди. Бу ҳақда Бразилияда ўтказилган янги автомобиль тақдимоти вақтида маълум бўлди, деб ёзади Дарё.

Мазкур модел Жанубий Америка бозори учун мўлжалланган бўлиб, Хитойда GM ва SAIC компаниялари ҳамкорлигида ишлаб чиқилган Baojun Yep Plus автомобилининг Chevrolet бренди остидаги версиясидир.

Дизайни бўйича Chevrolet Spark EUV асосан Baojun Yep Plus’ни эслатиб юборади, уларнинг ягона фарқи логотип ва бренд белгиларидадир. Модель квадрат шаклдаги кузов, кенг бамперлар, LED фаралар, вертикал орқа чироқлар ва ён томонга очиладиган юкхона эшиги билан ажралиб туради.

^{Фото: Chevrolet Brasil}
Янги Chevrolet Spark EUV автомобилида “Аctive” ёзуви мавжуд бўлиб, у махсус конфигурацияни билдиради.

Унинг техник хусусиятлар ҳали расман эълон қилинмаган, аммо донор модел Baojun Yep Plus олд ғилдирак ҳаракатлантириш тизими ва 102 от кучига эга мотор билан жиҳозланган. Модель 41,9 кВт/соатли аккумуляторга эга бўлиб, CLTC (China Light-Duty Vehicle Test Cycle) синовларига кўра 401 километр масофани босиб ўта олади.

<sup>Фото: Chevrolet Brasil

Фото: Chevrolet Brasil</sup>
Авто экспертларнинг қайд этишича, янги Spark катта эҳтимол билан электромобилга айланади. “Замин” янгиликларини “Telegram”да кузатиб боринг