Chevrolet Camaro услубидаги мотоцикл ишлаб чиқарилди

Калифорниялик энтузиаст Chevrolet Camaro ва Honda мотоцилини бирлаштириб, ноодатий транспорт воситасини яратди. Ушбу қўлда ясалган трицикл ҳозирда 9100 долларга (тахминан 800 минг рубл) сотувда, аммо муаллиф таъкидлашича, янги эгаси уни янада такомиллаштиришга мажбур бўлади.

Лойиҳа Honda Valkyrie мотоцикли асосида қурилган бўлиб, ушбу модель 1997–2003 йилларда ишлаб чиқарилган. Мотоцикл 101 от кучига эга 1,5 литрли оппозит двигател билан жиҳозланган. Гибрид айнан шу двигател билан ҳаракатланади, бироқ карбюратор таъмирлашга муҳтож.

Биринчи босқичда классик мотоцикл трициклга айлантирилиб, олд қисми номаълум Volkswagen модели осмаси билан жиҳозланган. Корпус ва эшиклар қисман шиша толали материалдан тайёрланган. Кўриниши эса 1969-йилги Chevrolet Camaro стилига мослаштирилган.

Бундан ташқари, потенциал харидор кузов панелларини ҳам таъмирлаши керак. Мазкур ноёб транспорт воситасини ҳозирда 9100 долларга харид қилиш мумкин.