Chevrolet 2026-йилги Trailblazer кроссовери учун буюртмаларни қабул қилишни бошлади, деб GM Authority хабар берди. Учинчи авлоднинг олтинчи модел йили сифатида тақдим этилган янги Trailblazer аввалги йилга қараганда $100 арзонлашди.
2024-йилги модел жиддий янгиланишларга эга бўлган бўлса, 2025 ва 2026-йиллардаги ўзгаришлар унчалик катта эмас.
База комплектациядаги LS модели олдинги юритмали ва 1,2 литрли турбомотор билан жиҳозланган бўлиб, унинг нархи $24 295 этиб белгиланган. Агар 1,3 литрли двигателни танласангиз, қўшимча $395 тўлаш керак бўлади.
Тўлиқ юритмали Chevrolet Trailblazer 2026 нархи $26 295 дан бошланади.
LT комплектациясида 1,2 литрли моторли версия $25 495, 1,3 литрли двигателли версия эса $25 890 дан бошланади.
2026-йилги моделнинг стандарт комплектациясида 1,2 литрли турбо I3 LBP двигатели ўрнатилган бўлиб, у олдинги 1,2 литрли I3 LIH двигателининг ўрнини эгаллади. Унинг қуввати 137 от кучи ва 219,6 N·m моментга эга бўлиб, аввалги LIH двигателига тенг. Бундан ташқари, у E85 ёқилғиси билан ишлаш имкониятига эга.
Кўпроқ қувват хоҳловчилар учун 1,3 литрли турбо I3 L3T двигатели ҳам мавжуд бўлиб, у 155 от кучи ва 235,9 N·m момент тақдим этади. Бироқ, L3T двигатели E85 билан мос келмайди. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
