Қирғизистонда Chevrolet Tahoe ва Damas автомобиллари ишлаб чиқарила бошланди
Қирғизистондаги «Тулпар Моторс» заводида Chevrolet Tahoe ва Damas автомобилларини ишлаб чиқариш йўлга қўйилди. Икки йил ичида корхона олтита моделни ўзлаштиришга улгурди ва жорий йил якунига қадар камида 3 000 дона автомобиль йиғишни режалаштирмоқда. Мамлакатда маҳаллий автомобилларни оммалаштириш мақсадида фуқаролар учун 4 фоиздан 8 фоизгача бўлган имтиёзли автокредитлар жорий этилган. Келажакда корхона модель қаторини янада кенгайтириш ва республика бўйлаб сервис марказлари тармоғини ривожлантиришни мақсад қилган.
Қирғизистонда Chevrolet Таҳое премиум йўлтанламаси ва Chevrolet Дамас тижорат автомобилини ишлаб чиқаришга старт берилди. Двигатель ҳажми 6,2 литр, қуввати 420 от кучига тенг бўлган саккиз цилиндрли Таҳое модели «Тулпар Моторс» заводида йиғилаётган олтинчи автомобилга айланди. Корхона фаолият бошлаганига икки йил тўлмасдан Cобалт, Оних, Траcкер ва Cаптива каби моделларни ўзлаштиришга улгурди. Бу ҳақда Kaktus.media хабар беради.
«Тулпар Моторс» заводи мамлакат автомобилсозлик соҳасида янги даврни бошлаб берди. Ўтган йилнинг ўзида корхона 1 680 дона транспорт воситасини реализация қилди. Chevrolet Cобалт мамлакат бозорида энг кўп сотилган автомобиль, Chevrolet Траcкер эса энг оммабоп кроссовер деб топилди. 2025 йил якунига кўра ишлаб чиқариш ҳажми 5 млрд сомга етиши, жорий йилда эса камида 3 000 дона автомобиль йиғилиши режалаштирилган.
Компания бошқарувчи директори Константин Шведчиковнинг таъкидлашича, завод нолдан қурилиб, барча логистика ва сервис тизимлари йўлга қўйилган. 2026 йилга бориб республика бўйлаб ўнта савдо нуқтаси ва ҳудудий сервис марказлари очилиши кўзда тутилган. Шунингдек, фуқаролар учун автокредитлар йиллик 8 фоиз, давлат хизматчилари учун эса 4 фоиз ставкада таклиф этилмоқда.
АҚШнинг Қирғизистондаги элчиси Лесли Вигери ушбу ҳамкорлик икки давлат ўртасидаги савдо алоқаларини мустаҳкамлашини ва иқтисодий ўсишга хизмат қилишини қайд этди. «Тулпар Моторс» яқин келажакда ўз модель қаторини янада кенгайтириб, Субурбан, Траверсе ва Cаптива PHEV каби автомобилларни ҳам ишлаб чиқаришни йўлга қўйишни мақсад қилган.
Изоҳлар 0
…