BYD компанияси Sealion 07 DM моделини тақдим этди. Ушбу автомобиль ўзининг дрон тизими билан ажралиб туради. BYD ва DJI ҳамкорлигида ишлаб чиқилган Lingyuan тизими автомобиль салонидан битта тугма босиш орқали дронни учириш ва қайтариш имконини беради. Қурилма 4K форматда видео тасвирга олиш хусусиятига эга.
Янги BYD Sealion 07 DM-i Intelligent Driving Edition модели қуйидаги ўлчамларга эга: 4880 x 1920 x 1750 мм, ғилдирак базаси эса 2820 мм.
Автомобиль God’s Eye DiPilot 100 тизими билан жиҳозланган бўлиб, у шаҳар навигацияси, автомагистрал ёрдами ва автоматик тўхташ тизими билан таъминланган. Оддий 2-даражали ҳайдовчи ёрдами фақат магистралларда ишласа, DiPilot 100 светофорлар ва тўсиқларни танийди ҳамда шаҳар шароитида автоном ҳаракатлана олади.
Техник хусусиятлари:
- 1,5 литрли двигател + иккита электр моторли плагин гибрид тизими
- Ички ёнув двигателининг қуввати: 115 кВт (154 от кучи)
- Олд двигател қуввати: 200 кВт (268 от кучи)
- Ортдаги двигател қуввати: 150 кВт (201 от кучи)
- 0 дан 100 км/соатгача тезланиш: 4,7 сония
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
