Hyundai Creta янги дизайн ва гибрид двигател билан чиқади, деб Daily Motor хабар берди.
Hyundai'нинг машҳур кроссовери Creta 2027 йилда тубдан янгиланиши кутилмоқда. Учинчи авлод модели ички ҳужжатларда SX3 номи билан қайд этилган бўлиб, у нафақат янги ташқи кўриниш, балки замонавий технологиялар билан ҳам жиҳозланади.
Автомобил ишлаб чиқарилиши Ҳиндистоннинг Тамилнад штатидаги заводда бошланиб, кейинчалик бошқа мамлакатларда ҳам йўлга қўйилади.
Инсайдерларнинг маълумотларига кўра, Creta янги Santa Fe ва Palisade моделларидан илҳомланган янги дизайн ва интерьерга эга бўлади.
Энг катта ўзгаришлар техника қисмида бўлиши мумкин. Ушбу модель 1,5 литрли бензин двигатели ва электр мотордан иборат кучли гибрид двигател билан жиҳозланиши ҳақида миш-мишлар тарқалган. Ҳозирда ишлатилаётган 1,5 литрли бензин ва дизель двигателлар эса сақланиб қолиши кутилмоқда.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
