27 март куни бўлиб ўтадиган тақдимот арафасида BYD компанияси ўзининг янги Yangwang U7 электр флагманидаги илғор рақамли подвеска имкониятларини намоён қилди, деб Speedme.ru хабар берди. Промороликда кунг-фу устаси Вин Чунь ҳаракатларини автомобиль томида ижро этади, машина эса ёмон йўлда ҳаракатланмоқда — кузов эса деярли силкимайди.
Бу натижа YunNian-Z номли янги авлод рақамли подвескаси туфайли эришилган. У суюқликсиз ишлайди ва тўғридан-тўғри электромоторлар орқали бошқарилади. Йўл шароити ўзгаришларига 10 миллисекундда жавоб беради ва анъанавий адаптив амортизаторлардан бир неча баравар тезкор.
Yangwang U7 автомобил ракамли шассида қурилган бўлиб, унда фақат YunNian-Z эмас, балки ҳаракатни тўрт ўлчовли бошқариш тизими — YiSiFang ҳам мавжуд. У дунёда кузовни тўлиқ рақамли барқарорлаштиришга эга биринчи серияли электромобильга айланди.
Yangwang U7 гибрид ёки тўлиқ электр ускунада тақдим этилади ва BYD’нинг янги флагман модели бўлади. Илгари фақат авиация ёки спорт техникасида қўлланган технологиялар энди йўл автоларида ҳам мавжуд — бошқарув ва комфорт стандартларини янги босқичга кўтаради.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
