Янги Deepal S09 кроссовери апрел ойида чиқиши режалаштирилган, деб Speedme.ru сайти хабар берди. Унинг бошланғич нархи 300 минг юандан, яъни тахминан 420 миллион сўмдан бошланади. Энг қиммат модели эса 350 минг юан (тақрибан 490 миллион сўм) атрофида бўлади.
Deepal S09 — янги EPA1 платформасида яратилган ва иккинчи авлоддаги захира юриш масофасини ошириш тизими билан жиҳозланган. Унинг ўлчамлари: 5205x1996x1800 мм, ғилдирак базаси эса 3105 мм.
Салон замонавий технологиялар билан бойитилган: иккита 15,6 дюймли экран, 43 дюймли AR-HUD, массаж функциясига эга шамоллатиладиган ўриндиқлар, чиқувчи музлатгич ва орқа қатори учун 21,4 дюймли экран. Шунингдек, "болалар режими" ва овозли ёрдамчи ҳам мавжуд.
Кроссовер гибрид двигатель билан жиҳозланган: 1.5 литрли турбобензинли мотор ва бир ёки икки электромотор, умумий қуввати 362 кВт (492 от кучидан ортиқ).
Deepal S09 — бренднинг энг технологик ва қиммат SUV модели бўлиб, у Хитойнинг юқори сегментдаги электромобилларига жиддий рақобатчи бўлади. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
