BMW 1 апрель куни ўз ижтимоий тармоқлардаги обуначиларини ҳазил билан алдади ва M2 Dakar номли йўқ кроссовер ҳақида тасвирлар эълон қилди, деб Carscoops хабар берди.
M2 Dakar — бу аслида йўқ автомобил бўлиб, BMW уни ралли-рейд учун мўлжалланган офроуд купе кўринишида тақдим этди. Унда кенг қанотлар, вентиляция тешиклари, махсус бамперлар ва таг қисми учун ҳимоя панеллари мавжуд эди.
Купе том қисмида эса багажник, эҳтиёт қисмлар, захира ғилдирак ва ёқилғи канистраси акс этган. Мотор эса ўзгармаган: амалдаги M2 каби 3 литрли 480 от кучига (550 Нм) эга “олтилик” қўлланилган.
BMW 2 серияси рестайлинги ўтган йили ёзда тақдим этилган. Янги версия “автомат”да 0-100 км/соатга 4 сонияда, “механика”да эса 4,2 сонияда етади. 200 км/соатга тезлашиш эса 0,6 сонияга тезлашган (12,9 ва 13,7 сония). Энг юқори тезлик — 250 км/соат (285 км/соат пуллик опция билан).
BMW 2 серияси Мексикадаги заводда ишлаб чиқарилади.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
