Honda ўзининг машҳур NSX спорткарини қайта ишлаб чиқаришини маълум қилди, деб Daily-motor.ru хабар берди. Компания ушбу моделни 1990–2005 ва 2016–2022 йиллар оралиғида ишлаб чиқарган. Янги авлод NSX 2027 йилда илк бор жаҳонга тақдим этилиши кутилмоқда.
Спорткар ташқи кўриниши ва техник жиҳатдан олдинги авлодларидан тубдан фарқ қилади. У замонавий купе шаклида бўлади, кенг ғилдирак аркалари, катта диска жойлашишига мўлжалланган ғилдираклар, оригинал LED фаралар ва эшикларга яширинган тутқичларга эга бўлади.
Автомобиль 100% электромобиль бўлиб, унинг электродвигателлари 1000 от кучидан ортиқ қувват ишлаб чиқариши кутилмоқда. Хонда муҳандислари ишлаб чиқаётган янги турдаги қотишган батареялар туфайли бир қувват билан 700 кмгача йўл босиш мумкин бўлади.
Шунингдек, унда энг янги тўлиқ тортувчи тизим ҳам жорий этилиши кутилаяпти, лекин бу ҳақдаги маълумотлар ҳозирча ошкор қилинмаган.
Асосий рақиб сифатида Lexus LFR модели кўрилмоқда — унга 900 от кучли гибрид тизим қўлланилиши кутилмоқда. Honda эса NSX’ни ундан арзонроқ нархда таклиф қилмоқчи, аниқ фарқ эса ҳозирча айтилмаган. LFR’нинг тахминий нархи 38 миллион иен (тахминан 4,2 миллиард сўм) бўлиши мумкин.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
