Tesla Cybertruck томидаги нуқсон учун қайтариб олинмоқда

Tesla ўзининг Cybertruck моделини том қисмидаги носозлик туфайли қайтариб олмоқда, деб speedme.ru ёзмоқда. 2023 йил ноябридан 2025 йил февралигача сотилган 46 096 дона Cybertruck қайта чақирилди. Сабаб — томдаги безак панелининг ҳаракат пайтида ажралиб кетиш хавфи.

Компания муаммони ҳал этиш учун том панелини мустаҳкамроқ ёпиштириш ва болт ҳамда гайка билан қўшимча маҳкамлашни таклиф қилган. Аммо таъмирланган машиналарни қабул қилган мижозлар сифатига норозилик билдиришмоқда.

Баъзи фотосуратларда ғайритабиий сварка, ноаниқ жойлаштирилган гайкалар ва кузов чизиғига мос келмайдиган панеллар кўрсатилган. Бу иш, $80 000 турадиган премиум электропикап учун мутлақо хос бўлмаган ҳунармандона таъмирни эслатади.

Cybertruck аввал ҳам сифат ва ишлаб чиқариш муаммолари билан танилган эди. Панеллар ўзаро ноаниқ тушиши, камчиликлар, рекламациялар ва ҳатто $7500 миқдоридаги федерал солиқ имтиёзи ҳам бу ҳолатни ўзгартирмаган.