Электр Juke 2026: биринчи тасвирлар эълон қилинди

Янги авлод Nissan Juke кроссовери расмий тизер орқали илк марта намоён бўлди, деб daily-motor.ru ёзмоқда. Япония компанияси молиявий муаммоларга қарамай, ўзининг келгуси режалари ҳақида очиқ маълумот берди ва инвесторларга барқарорликни намоён этишга ҳаракат қилди.

Ушбу янги модель 2026 йилда электр кроссовер сифатида бозорга чиқиши кутилмоқда. Интернетда пайдо бўлган тизер асосида "Autobics" рақамли дизайнерлари унинг серияли версиясини тасаввур қилиб, рендерини тайёрлашди.

Янги Juke ўзининг ноодатий ташқи кўринишини сақлаб қолиши, аммо айрим ўзгаришлар билан чиқиши кутилмоқда. Паст томонлари юмалоқ чизиқлар ўрнига кўп бурчакли шаклларга алмашади. Вертикал кундузги LED чироқлар, ўзига хос бош ёруғлик ва пастга эгилиб борувчи том чизиғи кузатилади.

Машинадаги орқа эшик тутқичлари илгариги авлоддаги каби кузов тўсинлари яқинида жойлаштирилади, олдинги эшикларда эса яширин тутқичлар ишлатилади.

Янги Juke AmpR Small платформасига асосланади. Аккумулятор сиғими 40 ёки 52 кВт/соат бўлиб, тегишлича 312 км ва 410 км масофагача йўл босиш имконини беради. Ҳозирча гибрид версияси тасдиқланмаган, шу боис Juke фақат электр версияда сотилади.

Бошқа рақобатчилар қаторида Jeep Avenger, Kia EV3 ва Ford Puma Gen-E каби моделлар айтиб ўтилмоқда.