Трампнинг 145% тарифлари Tesla’га зарба бўлди

АҚШ президенти Дональд Трамп томонидан Хитойдан келтириладиган эҳтиёт қисмларга жорий этилган янги тарифлар Tesla компаниясининг Cybercab ва яримэлектр юк машиналари учун АҚШдаги ишлаб чиқариш режаларини бузиши мумкин, деб Finam сайти хабар берди.

Tesla Хитойдан киберкэб ва Semi моделлари учун зарур бўлган қисмларни олиб келишни режалаштирган эди. Аммо 9 апрелдан бошлаб Трамп импорт божларини 84%га, сўнгра 125%га оширди. Ҳозирда Хитой товарларига умумий тариф 145%ни ташкил этмоқда.

Компания дастлаб 34% тарифни қоплашга тайёр эди, аммо божлар бундан ошиб кетгач, логистика ва етказиб бериш режалари тўхтатилди.

Инсайдер маълумотига кўра, Tesla октябр ойида синов ишлаб чиқаришни, 2026 йилда эса оммавий ишлаб чиқаришни бошлашни мўлжаллаган. Cybercab Техасда, Semi эса Невадада ишлаб чиқарилиши кутилган эди.

Элон Маск ушбу моделларни инвесторларга йирик инновация сифатида намойиш қилган ва уларни компания ўсишининг асосий драйвери сифатида тақдим этган эди. «Замин»ни Telegram’да ўқинг!