Volkswagen Tiguan Turbo 2026: 268 от кучгача янгиланди

Volkswagen компанияси 2026 йил учун мўлжалланган янги Tiguan Turbo кроссоверини тақдим этди, деб iXBT.com сайти хабар берди.

Янги Tiguan Turbo 2.0 литрли, тўрт цилиндрли, турбинаси кучайтирилган EA888 evo5 двигатели билан жиҳозланган бўлиб, 268 от кучига ва 350 Нм бурилиш моментига эга. Бу стандарт 201 от кучли моделдан 67 от кучига кўп. Ҳатто у Golf GTI’дан ҳам (241 от кучи) кучлироқ.

Қувват оширилиши учун муҳандислар каттароқ турбина, мустаҳкамланган поршень ва шатунлар, ҳамда ўзгарувчан клапан кўтариш технологиясини қўллашган.

SEL R-Line тўлиқ комплектацияда кроссовер 4Motion тўлиқ тортув ва 8 тезликли автомат узатма қутисига эга. Подрул лепесткалари орқали қўлбола узатма ҳам мавжуд. Аммо, подвеска ва тормоз тизими ўзгармаган — бу автомобилнинг оилавий қиёфасини сақлаб қолишга хизмат қилади.

Ташқи кўринишида 20 дюймли дисклар, қора том ва ёруғлик берувчи логотиплар билан ажралиб туради. Янги кузов ранглари: Avocado Green Pearl ва бошқалар.

Салонда Varenna чарм ўриндиқлари, массаж ва вентиляция, 15 дюймли сенсор экран, Harman Kardon аудио тизими ва Америка ёнғоқидан ясалган панел мавжуд. Шунингдек, уч зонавий кондиционер, проекцион дисплей ва орқа ўриндиқлар иситиш функциялари ҳам бор.

Автомобил 2025 йил кузидан сотувга чиқади. Бошланғич нарх — тахминан 48 000 доллар (тақрибан 595 миллион сўм).