СAIК Volkswagen қўшма корхонаси бозорга иккита янги плагин-гибрид модел — Пассат эPro ва Тигуан Л эPro автомобилларини чиқаришга тайёргарлик кўрмоқда. Янги моделларнинг расмий дебюти 29-май кунига режалаштирилган бўлиб, улар ўзининг юқори тежамкорлиги билан ажралиб туради. Бу ҳақда Ixbt.com хабар беради.
Ҳар иккала модел бир хил куч қурилмаси билан жиҳозланган: 1,5 литрли ЭА211 турбомоторли бензинли двигател, битта электромотор, ТҚ251 трансмиссияси ва 22 кВ·соат сиғимли аккумулятор. Ички ёнув двигатели 129 от кучига, электромотор эса 197 от кучига эга. Пассат эPro модели тўлиқ қувват билан 1468 км, Тигуан Л эPro эса 1423 км масофани босиб ўтиши эълон қилинган.
Пассат эPro бутунлай янгиланган ташқи кўринишга эга бўлди. Унинг асосий элементлари орасида янги светодиодли фаралар, олд қисмдаги яхлит ЛEД чизиғи ва ёритиладиган Volkswagen логотипи мавжуд. Автомобилнинг узунлиги 5017 мм, ғилдираклар базаси эса 2871 мм ни ташкил этади. Салоннинг асосий ўзига хослиги — олд панелдаги учта экран (10,3 дюймли рақамли асбоблар панели ва 12,9 дюймли мультимедиа тизими).
Тигуан Л эPro кроссовери ҳам янги электрлаштирилган автомобилларга хос дизайн элементларини олди: янгиланган ЛEД оптикаси ва ёритиладиган логотип. Кроссовернинг ўлчамлари 4744 х 1842 х 1684 мм бўлиб, ғилдираклар базаси 2791 мм га тенг. Салонда худди шундай учта экран, янги рул чамбараги ва олд йўловчи учун махсус қулай ўриндиқ ўрнатилган.
“Zamin”ни Telegram'да ўқинг!
