Тошкент тирбандликлардан қутуладими? Режа — 60% жамоат транспорти
Тошкент шаҳрида транспорт тизимини тубдан яхшилашга қаратилган навбатдаги муҳим қарор қабул қилинди. 2025 йил 4 декабрь куни Президентнинг ПҚ–368-сонли қарори тасдиқланиб, пойтахтда транспорт бошқарувини такомиллаштириш, тирбандликларни камайтириш ва жамоат транспортининг самарадорлигини ошириш бўйича янги чора-тадбирлар белгиланди.
Қарорга кўра, Тошкент шаҳрининг 2030 йилгача ривожланиш стратегиясида жамоат транспортига катта устуворлик берилган. Унда асосий мақсадлардан бири — аҳолининг жамоат транспортидан фойдаланиш даражасини камида 60 фоизга етказиш.
Мутахассисларнинг таъкидлашича, пойтахтдаги тирбандликларнинг асосий сабаби — шахсий автомобиллар улушининг юқорилиги. Жамоат транспортига талаб ошиши эса нафақат қулайлик яратади, балки экологик вазиятни яхшилашга ҳам хизмат қилади.
Изоҳлар 0
…