Хитойда Tesla машиналари қувватланиш вақтида ёниб кетди

  • 07 март 2017, 08:29
  • 3 645
  • Авто
  • Хитойда Tesla машиналари қувватланиш вақтида ёниб кетди

    Шанхайда Tesla компаниясининг иккита электромобили Supercharger қувватлаш станцияси ҳудудида ёниб кетди, деб ёзади Кун нашри.

    Компанияда ушбу ҳодиса юзасидан маълумотларга эга эканликлари тасдиқланди ва ёнғин бўйича тергов олиб борилаётгани маълум қилинган. Ёнғин вақтида ҳеч ким жабрланмаган ва барчаси иккита электромобилнинг шикастланиши билан якунланган.

    Мавжуд маълумотларга кўра, ёнғин Tesla Model S P85 моделида юзага келган. Ёнғин унинг ёнида турган бошқа электромобилни ҳам шикастлаган. Компанияда таъкидланишича, ёниб кетган Model S заряд станциясига уланмаган бўлган. Компания ёнғин машинадаги муаммолар ёки унинг салонида нимадир борлиги сабабли юзага келганини аниқлаши керак.

    Компаниянинг 200 мингдан кўпроқ машинасидан иккитасигина йўл-транспорт ҳодисаси ёки ташқи таъсирсиз ёниб кетган. 2016 йил январда Норвегияда Model S зарядлаш қувватидаги қисқа туташув сабабли, августида эса Францияда синов вақтида ёниб кетган, бунга компания томонидан йўл қўйилган нуқсон сабаб бўлган.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Хитойда Tesla машиналари қувватланиш вақтида ёниб кетди