Тошкентда “Нексия” икки пиёдани уриб юборди: бир киши вафот этди

  • 22 март 2017, 12:50
  • 4 719
  • Авто
  • Тошкентда “Нексия” икки пиёдани уриб юборди: бир киши вафот этди
    21 март куни Тошкент шаҳрининг Юнусобод туманида юз берган ЙТҲ оқибатида аёл киши ҳалок бўлди. Бу ҳақда Кун.uz хабар берди.

    Йўл-транспорт ҳодисаси Бодомзор кўчасидаги “Мусафо” кафеси ёнида рўй берган. “Нексия” автомашинасининг 30 ёшли ҳайдовчиси икки пиёдани уриб юборган, улар 7-сонли шаҳар клиник шифохонасига олиб кетилган. Пиёдалардан бири – аёл киши олган тан жароҳатлари сабабли ҳаётдан кўз юмди.

    “Нексия” автомобили Қашқадарё вилоятида рўйхатдан ўтган. Ҳайдовчининг ўзи эса Тошкентнинг Учтепа туманида рўйхатда туради. Ушбу ҳолат бўйича суриштирув ишлари олиб борилмоқда.

    » » Тошкентда “Нексия” икки пиёдани уриб юборди: бир киши вафот этди