Volvo'нинг Швециядаги заводида ёнғин чиқди

  • 28 март 2017, 18:17
  • 3 764
  • Авто
  • Volvo'нинг Швециядаги заводида ёнғин чиқди
    Швеция ғарбидаги Гётеборг шаҳрида жойлашган Volvo заводи ҳудудида ёнғин рўй берди. Бунинг оқибатида тахминан 150 киши хавфсиз жойга кўчирилди, деб ёзмоқда Кун.уз нашри.

    Ёнғин лаборатория ва батареялар омборида Тошкент вақти билан 12.00да юз берган, кейинчалик ўт яқин атрофдаги хоналарга ўтган. Ходимлар кучли заҳарли тутун сабабли ўз иш жойларини тарк этишди. Улардан ҳеч ким жабрланмади.

    Фавқулодда ҳодиса рўй берган жойда тахминан 40 нафар ўт ўчирувчи ишламоқда.

    "Тутун заҳарли, шунинг учун округда истиқомат қилувчи аҳолидан дераза ва эшикларни ёпишни сўрамоқдамиз", - дея маълум қилди қутқарув хизмати вакили Анника Буберг.

    Бу Volvo билан қисқа вақт ичида рўй берган иккинчи шундай ҳолат. Февраль ойида компаниянинг тўқнашувларда хавфсизлик масалалари бўйича марказида кучли ёнғин рўй берганди.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Volvo'нинг Швециядаги заводида ёнғин чиқди