Американинг Google интернет гиганти сингари Alphabet холдинги таркибига кирувчи Waymo компанияси Аризона штати Финикс шаҳрида йўловчиларни муқобил машиналарда манзилларига элта бошлади. Ушбу амалиёт синов тариқасида ўтказилаётгани ҳақида Waymo компаниясининг расмий сайтига жойлаштирилган баёнотда маълум қилинган, деб ёзмоқда Кун.уз нашри.
Компания маълумотларига кўра, маҳаллий аҳоли вакиллари орасидан кўнгиллиларга синов дастурида иштирок этиш таклиф этилган. Улар махсус мобил илова ёрдамида компьютерда бошқариладиган Waymo автомобилини чақириши ва кун мобайнида ундан бепул такси сифатида фойдаланиши мумкин бўлади.
Албатта, компания дастурда неча киши иштирок этаётганига ойдинлик киритмаган. Бироқ, келгусида бунинг учун Финиксда юзлаб кишиларни танлаб олиниши айтилмоқда. Айни вақтда, бу хизмат шаҳарнинг бир неча тумани билан чегараланган. Waymo мутахассислари, ўз автомобилларини такомиллаштириш учун мижозларнинг эътироз ва таклифларини инобатга олишмоқда. Таъкидланишича, ҳозирча, ушбу муқобил машиналарда ҳар эҳтимолга қарши ҳайдовчилар бор.
Waymo автопарки 100 дона Fiat Chrysler минифургонларидан иборат. Уларнинг қанчаси Финиксдаги синовларда қўлланилаётгани ҳам маълум қилинмаган. Машиналарга йўл ва атрофдаги вазиятни кузатиш имконини берувчи датчиклар ҳамда ҳайдовчи вазифасини бажарувчи компьютер ўрнатилган. Аввалроқ, Waymo муқобил бошқарувга эга яна 500 дона автомобилга буюртма бериши ҳақида хабар қилган эди.
Бир қатор технологик компаниялар ишончли ва хавфсиз муқобил автомобиллар ишлаб чиқариш устида иш олиб боришмоқда. Улар орасида Volkswagen Group of America, Uber, Mercedes-Benz, Tesla, Nissan, BMW, Honda, Ford ва бошқалар бор. Американинг бир неча штатларида шундай машиналар аллақачон синовдан ўтмоқда. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
Ҳар пайшанба жисмоний тарбия ва спорт куни сифатида белгиланади
Суперлига. ОКМК сафарда "Пахтакор"ни мағлуб этди ва 11 йиллик қора анъанага чек қўйди
Мeтаболизм секинлашганининг белгилари
Жосеп Боррел: “Халқаро жиноят судининг Нетаньяхуни ҳибсга олиш бўйича қарори ижро этилиши шарт”
Туркия ўзининг биринчи квант компютерини тақдим этди
Ҳусийлар Исроил авиабазасига гипертовушли ракета билан зарба берди
