Brabus дунёдаги энг кучли ва тезкор кабриолетни яратди

Германиянинг Brabus ателеси ўзининг янги лойиҳасини — компанияда дунёдаги энг кучли ва тезкор кабриолети дея таърифланаётган 900 кучга эга Mercedes-Benz S-Class’ини тақдим этди. Автоулов сентябрь ойининг ўрталарида Франкфуртда бўлиб ўтадиган моторшоуида намойиш этилади, деб ёзмоқда «Дарё» нашри.

Янгилик Mercedes S65 базаси асосида яратилган бўлиб, ҳажми 6,0 литрдан 6,3 литрга қадар кўтарилган ўн икки цилиндрли битурбо мотор билан жиҳозланган.

Автомобильга модификация қилинган етти поғонали узатмалар қутиси ва ишқаланишнинг блокировкаси 40 фоизга қадар кўтарилган Brabus’нинг орқа дифференсиали ўрнатилган.

Агрегат қуввати 270 от кучига тенг бўлиб, максимал айланишлар моменти 1500 Нм.ни ташкил этади.

Нолдан юз километр тезликка 3,9 сонияда чиқади, бу стандарт Mercedes-AMG S 65 Cabriolet’дан 0,2 сонияга тезроқ демакдир. Максимал тезлиги эса соатига 350 километрга тенг. «Замин»ни Telegram’да ўқинг!