Россияда Ravon автомобиллари нархи кескин қимматлашди

  • 27 июль 2018, 13:55
  • 2 624
  • Авто
  • Россияда Ravon автомобиллари нархи кескин қимматлашди
    Россия бозорида таклиф этилаётган Ravon’нинг тўртта моделидан учтаси қимматлашди, деб ёзмоқда «Kun.uz».

    GM Uzbekistan ваколатхонаси R2 ҳэтчбеки ва Nexia седанига нархни 50 минг рублга (тахминан 790 доллар), Gentra седанига - 20 минг рублга (тахминан 310 АҚШ доллари) оширди. Яна бир модель - R4 - ҳозирча аввалги баҳода таклиф қилинмоқда.

    Автоматик трансмиссияга эга энг арзон автомашина сифатида баҳоланувчи Ravon R2 ҳэтчбеки энди камида 489 минг рублга ($7,700) сотилмоқда. Машина топ даражадаги комплектацияда 559 минг рубль ($8,800) қийматида баҳоланмоқда.

    Nexia’ни 499 000 - 599 000 рублга (7,9 минг - 9,5 минг доллар), R4’ни 529 000 - 659 000 минг рублга (8,4 минг - 10,4 минг доллар), Gentra’ни эса 569 000 - 699 000 минг рублга (9 минг - 11 минг доллар) харид қилиш мумкин.

    Март ойида Россияда Ravon’нинг барча автомобиллар қатори учун нархлар 10- 30 минг рублга кўтарилганди.

    Фикрлар

    » » Россияда Ravon автомобиллари нархи кескин қимматлашди